ოლიმპიადები

    

     

      ეროვნული სასწავლო ოლიმპიადა

     საქართველოს განათლებისა და მეცნიერების სამინისტროს გადაწყვეტილებით, 2009 წლიდან ყოველწლიურად ტარდება ეროვნული სასწავლო ოლიმპიადა ყველა საგანში. ეროვნულ სასწავლო ოლიმპიადას შეფასებისა და გამოცდების ეროვნული ცენტრი ატარებს.
    ეროვნული სასწავლო ოლიმპიადის მიზანია: ნიჭიერი მოსწავლეების გამოვლენა, სასკოლო რეფორმის ხელშეწყობა, სასკოლო ცხოვრების სტიმულირება, მოსწავლეების, პედაგოგების, სასწავლო პროცესის წახალისება, საქართველოს ნაკრების კანდიდატთა გამოვლენა საერთაშორისო ოლიმპიადებისთვის.
    ეროვნული სასწავლო ოლიმპიადა ტარდება ქართულ, სომხურ, აზერბაიჯანულ და რუსულ ენებზე.
    ეროვნულ სასწავლო ოლიმპიადაში სსიპ ქალაქ ქუთაისის N22 საჯარო სკოლის მოსწავლეები მონაწილეობას სისტემატურად იღებენ.
 

     სასკოლო სპორტული ოლიმპიადა

    სასკოლო სპორტული ოლიმპიადა ტარდება მთელი საქართველოს მასშტაბით, ყველა რეგიონის ყველა მუნიციპალიტეტში. საქართველოს კერძო და საჯარო სკოლების გუნდებს შორის. 2016 წელს სასკოლო სპორტული ოლიმპიადა საქართველოში მეორედ ჩატარდა. 2016 წლის ოლიმპიადაში მონაწილეობას იღებდა 1200 სკოლის 5000-ზე მეტი გუნდი, რაც უპრეცედენტოა თავისი მასშტაბებით.

საქართველოს სასკოლო სპორტული ოლიმპიადის ორგანიზატორები არიან საქართველოს სპორტისა და ახალგაზრდობის საქმეთა სამინისტრო და საქართველოს ბავშვთა და მოსწავლე ახალგაზრდობის სპორტის ეროვნული ფედერაცია, ოლიმპიადის ორგანიზებას ხელს უწყობს საქართველოს განათლებისა და მეცნიერების სამინისტრო და საქართველოს მუნიციპალიტეტების ადგილობრივი თვითმმართველობითი ორგანოები, ოლიმპიადის მხარდამჭერია საქართველოს ეროვნული ოლიმპიური კომიტეტი.

ბავშვთა და მოსწავლე ახალგაზრდობის სპორტის ეროვნული ფედერაცია, საერთაშორისო სასკოლო სპორტის ფედერაცია ISF-ის წევრია და ოლიმპიადაზე გამარჯვებული სკოლის გუნდები, პირველად საქართველოს ისტორიაში, მიემგზავრებიან მსოფლიო სასკოლო ჩემპიონატებზე.

ბავშვთა და მოსწავლე ახალგაზრდობის სპორტის ეროვნული ფედერაციის აღნიშული პროექტის მიზანია საზოგადოებისა და განსაკუთრებით მოსწავლე-ახალგაზრდობის სპორტში მასობრივად ჩართვა და სასკოლო სპორტის განვითარების ხელშეწყობა.

მოკლე ინფორმაცია სასკოლო სპორტული ოლიმპიადის შესახებ:

სასკოლო სპორტული ოლიმპიადა 2015 წლიდან ტარდება და ყოველწლიური ხასიათისაა. ოლიმპიადის ვადები განსაზღვრულია სასწავლო წლის ვადების შესაბამისად.

ოლიმპიადის პროგრამა დაყოფილია ოთხ ძირითად ეტაპად, ესენია: პირველი ეტაპი - შიდა სასკოლო შეჯიბრებები სკოლების ნაკრები გუნდების დასაკომპლექტებლად, სპორტის სახეობების მიხედვით; მე-2 ეტაპი - მუნიციპალური შეჯიბრებები, მე-3 ეტაპი - რეგიონალური და მე-4ეტაპი - ოლიმპიადის ფინალური თამაშები, რომელიც იმართება ანაკლიის მომავლის ბანაკში.

2016 წლის სასკოლო სპორტული ოლიმპიადის საშეჯიბრო სახეობებია:

1.    მინი ფეხბურთი (ვაჟები)

2.    კალათბურთი 3x3 (გოგონები, ვაჟები)

3.    მაგიდის ჩოგბურთი (გოგონები, ვაჟები)

4.    გეზრბენი, იგივე კროსი (გოგონები, ვაჟები)

5.    ხელბურთი (გოგონები, ვაჟები)

6.    ფრენბურთი (გოგონები, ვაჟები)

7.    ბადმინტონი (გოგონები, ვაჟები)

8.    მოძრავი თამაშები - მხიარული სტარტები

9.    სპორტულ-შემეცნებითი ოლიმპიადა

ოლიმპიადა ტარდება შეჯიბრებებში წარმოდგენილი სპორტის შესაბამისი სახეობების ეროვნული და საერთაშორისო ფედერაციების მოქმედი წესების მიხედვით და ოლიმპიადის საშეჯიბრო დებულებების შესაბამისად.
     2016 წლის სასკოლო ოლიმპიადაში მონაწილეობა მიირეს ჩვენი სკოლის ფრენბურთელ გოგონათა ნაკრებმა. დებიუტი საკმაოდ წარმატებული აღმოჩდა. ჩვენი გოგონები ქალაქის ჩემპიონები გახდნენ.  შეუდარებელი, ნამდვილი საფინალო თამაში აჩვენეს ჩვენმა ფრენბურთელმა გოგონებმა და მწვრთნელმა ქალბატონმა ქეთევან ლებანიძემ. ძლიერი მეტოქე გვყავდა I სკოლის სახით და ამდენად თამაშიც დაძაბული გამოვიდა, მაგრამ ჩვენმა გოგონებმა და მწვრთელმა პირველსკოლელებს ნუმერაციის შესაბამისი ადგილი არ დაუთმეს, აშკარა უპირატესობით დაამარცხეს ისინი და ჩვენი ქალაქის გამარჯვებულები გახდნენ და რეგიონალურ ოლიმპიადაში მონაწილეობის უფლებაც მოიპოვეს. ნამდვილად დიდი წარმატებაა დაამარცხო ასეთი ღირსეული სკოლა და ღირსეული მეტოქე!
      ჩემპიონები
      ჩემპიონების დაჯილდოება სპორტის სასახლეში
     2016 წლის 26 მარტს ქ.ქუთაისის სპორტის სასახლეში ფეხბურთისა და კალათბურთის ფინალური მატჩებით დასრულდა ,,სასკოლო სპორტული ოლიმპიადა 2016"-ის საქალაქო ეტაპის გათამაშებები. ოლმპიადამ სტარტი გასული წლის 14 ნოემბერს აიღო და მასში ქ.ქუთაისის 40 სკოლის 1600 მა მოსწავლემ მიიღო მონაწილეობა. შეჯიბრებები სპორტის 7 სახეობაში გაიმართა:1.მინი-ფეხბურთი, 2.კალათბურთი(ვაჟები,გოგონები), 3.ფრენბურთი(ვაჟები,გოგონები),4.ხელბურთი(ვაჟები,გოგონები) 5.მაგიდის ჩოგბურთი(ვაჟები,გოგონები),

6.კროსი(ვაჟები,გოგონები),7.ბადმინტონი(ვაჟები,გოგონები).
კალათბურთელ გოგონათა შორის ფინალურ მატჩში გამარჯვება 41-ე საჯარო სკოლის გუნდმა მოიპოვა რომელმაც 36-ე საჯარო სკოლის გუნდი დაამარცხა ანგარიშით 8-7, ვაჟ კალათბურთლეთა შორის მე-3 საჯარო სკოლის გუნდმა მე-7 საჯარო სკოლის გუნდს აჯობა ანგარიშით 14-9 და ჩემპიონის ტიტულს დაეუფლა, ხოლო ფეხბურთელთა შორის ფინალურ მატჩში 40-ე საჯარო სკოლის გუნდმა 33-ე საჯარო სკოლის წინააღმდეგ ჩემპიონობას პენალტების სერიაში მიაღწია ანგარიშით 7-6(ძირითადი დრო 0-0). ფინალური მატჩების შემდგომ ყველა სახეობაში გამარჯვებული და პრიზიორი მოსწავლეების დაჯილდოვება გაიმართა. გამარჯვებულები სასკოლო ოლიმპიადის რეგიონალურ ეტაპზე მიიღებენ მონაწილეობას რომელიც სტარტს 15 აპრილს აიღებს.ოლიმპიადის ყოველწლიურ ორგანიზებას ქ.ქუთაისის მუნიციპალიტეტის მერიის სპორტის განყოფილება ახორციელებს. იხილეთ ოლიმპიადის შედეგები სრულად:
მაგიდის ჩოგბურთი

ინდივიდუალური ვაჟები:
1.ლუკა ნადარაია-სკოლა პროგრესი
2.ვლადიმერ ნადარია-სკოლა პროგრესი
3.გიორგი ნაცვლიშვილი მე-14 საჯარო სკოლა

წყვილები:
გამარჯვებული: სკოლა პროგრესის გუნდი(ლუკა ნადარია-ვლადიმერ ნადარია)

ინდივიდუალური გოგონები:
1.მარიამ ღვინეფაძე- მე-9 საჯარო სკოლა
2.მარიამ ბეშკენაძე-33-ე საჯარო სკოლა
3.ანი კუპრეიშვილი-23-ე საჯარო სკოლა

წყვილები:
გამარჯვებული: მე-9 საჯარო სკოლის გუნდი(მარიამ ღვინეფაძე-ანი ღვინეფაძე)

ბადმინტონი
გამარჯვებულები:

ვაჟები:21-ე საჯაროსკოლის გუნდი
გოგონები: 21-ე საჯარო სკოლის გუნდი

მძლეოსნობა(კროსი)
ვაჟები:
1. მე-9 საჯარო სკოლა
2. 32ე საჯარო სკოლა
3. 12-ე საჯარო სკოლა

გოგონები:
1. მე-9 საჯარო სკოლა
2. 15-ე საჯარო სკოლა
3. 30-ე საჯარო სკოლა

ხელბურთი
ვაჟები:
1. მე-2 საჯარო სკოლა
2. შპს 1 საჯარო სკოლა
3. 12-ე საჯარო სკოლა
გოგონები:
გამარჯვებული: 12 -ესაჯარო სკოლა

ფრენბურთი
ვაჟები:
1. 33-ე საჯარო სკოლა
2. 37-ე საჯარო სკოლა
3. 14-ე საჯარო სკოლა
გოგონები:
1. 22-ე საჯარო სკოლა
დაჯილდოება
დაჯილდოება
დაჯილდოება
2. 1 საჯარო სკოლა
3. 23-ე საჯარო სკოლა

კალათბურთი
ვაჟები:
1. მე-3 საჯარო სკოლა
2. მე-7 საჯარო სკოლა
3. 1 საჯარო სკოლა
გოგონები:
1. 41-ე საჯარო სკოლა
2. 36-ე საჯარო სკოლა
3. 23-ე საჯარო სკოლა

ფეხბურთი
1. 40-ე საჯარო სკოლა
2. 33-ე საჯარო სკოლა
3. 36-ე საჯარო სკოლა

    რეგიონალურ სასკოლო ოლიმპიადაში ჩვენი გოგონები პირველივე თამაშში უძლიერეს მეტოქეს,  სამტრედიელ ფრენბურთელ გოგონებს დაუპირისპირდნენ და დაძაბულ თამაშში დაამარცხეს, არანაკლები სიძლიერის გუნდი ჰყავდათ საჩხერელებსაც, მეორე თამაშში ჩვენმა გოგონებმა ისინიც დაამარცხეს და იმ დღესვე გამართულ ფინალში წყალტუბოელ ფრენბურთელ გოგონებს შეხვდნენ. ჩვენმა გოგონებმა თავი არ დაზოგეს, თუმცა ფორტუნა აშკარად წყალტუბოს მხარეს აღმოჩდა და  დამატებით ტაიმში, უკანასკნელ წამებზე დასანანად დამარცხდნენ. მიუხედავად იმისა, რომ ქუთაისის ჩემპიონები და იმერეთის მეორე ადგილის პრიზიორები გახდნენ, დღემდე მტკივნეულად იგონებენ ფინალის უკანასკნელ წამებს.
  2016 წლის 6 მაისს ქუთაისის სპორტის სასახლეში გაიმართა სასკოლო სპორტული ოლიმპიადის რეგიონალური ეტაპის პრიზიორების დაჯილდოება. 
    დაჯილდოება
 სსიპ ქალაქ ქუთაისის N 22 საჯარო სკოლის დირექციამ დააჯილდოვა გუნდის მწვრთნელი ქეთევან ლებანიძე, გუნდის კაპიტანი ანი მანაგაძე, გუნდის წევრები: მარიამ ფორჩხიძე, თათია ოქროპილაშვილი, მარიამ კაპჭელაშვილი, ქრისტინე გოგელაშვილი, სალომე ჭუმბურიძე, ნინო ბანძელაძე, ლანა ხუჯაძე, მარიამ კენჭაძე, ნინო ფირცხალაშვილი და გუნდის ყველაზე პატარა მონაწილე ანა ბანძელაძე.
   დაჯილდოება